Shahzad Malik
Rukh hawaon ka badalta he gaya
Pyar jab dil mein utarta he gaya
Jab saba ney kiya izhaar-e-wafa
Phol chup chaap bhikarta he gaya
Aag bujhnay lagi jab seenay ki
Tou dhuwan aankh mein bharta he gaya
Aap ney sirf masihai ki
Dard kyun hadd se guzarta he gaya
Jis ney bhi maanga mohabat ka silla
Dil ko hathon sey woh malta he gaya
Koi tofan tou aya he nahe
Shehr-e-jaan phir bhi ujarta he gaya
Jis ney bhi ishq ki raahon ko chuna
Dasht aabad woh karta he gaya...!!!
Posted in: Urdu Ghazals