Shahzad Malik
Vasl ka geet sunaty kyun ho?
Hijar ka dard chhupaty kyun ho?
Baad mein neend jo qatal karo gay
Pehle khuwab jagaty kyun ho?
Karta ho jo shor ankhon mein
Naam woh lab pe laty kyun ho?
Pehle khud he dil dey baithy
Ab ehsaan jataty kyun ho?
Keh do mujh ko bhol gaye tum
Kehny sey ghabraty kyun ho?
Dais ko khud pardes banaya
Bolo ab pachtaty kyun ho?
Palat ke jo ghayal kar daaly
Aisa teer chalaty kyun ho?
Sapna tou sapna hota hai
Aag ko barf bataty kyun ho?
Posted in: Urdu Ghazals