Shahzad Malik
Dil ka chup chaap nagar kaisa tha
Is mein saayon ka safar kaisa tha
Har koi ban ke falak is ko mila
Janay dharti mein asar kaisa tha
Kal jo saaya tha wohi raakh hai aaj
Kachy Aangan ka shajar kaisa tha
Aarzou mit gai rafta rafta
Dard baki hai, amar kaisa tha
Katt gai umer magar tay na huwa
Wo pur israar safar kaisa tha
Kar ke barbad ye pocha os ney
Tere khuwabon ka nagar kaisa tha?
Posted in: Urdu Ghazals