Shahzad Malik
Phir sey pyar ka dhoka khaya ja sakta tha
Dil ka kya hai dil behlaya ja sakta tha
Kyun wapis na aya jaa kar wo janay
Lekin oske pas tou jaya ja sakta tha
Gar na hota moam ki surat dil apna
Gham ke suraj sey takraya ja sakta tha
Aik tumhara sath agar mil jata tou
Sari duniya ko thukraya ja sakta tha
Logon ney mujrim tehraya, maan liya
Aakhir kis kis ko samjhaya ja sakta tha
Ley douba jab ankhon ko tufan "Batol"
Kaise dil ka shehr bachaya ja sakta tha?
Posted in: Urdu Ghazals