Shahzad Malik
Woh bdguman hai osey bdguman tou hona tha
Kisi ko is tarha na'mehrban tou hona tha
Wohe huwa hai jo likha tha, khud ko dosh na do
Jigar ke khon ko jaan ka ziyaan tou hona tha
Nahe naseeb ka chakr, atal haqeeqat hai
Humari Aankh ko seel-e-rawan tou hona tha
Ana parsti mein dono he had sey agey thay
Ye faasla meri jaan ! Darmyan tou hona tha
Batol ko jo gilla hai tou sirf itna sa
Raqeeb ka he sahi raazdan tou hona tha...
Posted in: Urdu Ghazals